ᓴᕕᒃᓴᒃᑯᑦ ᕿᑦᑐᒑᖅᓯᒪᔪᑦ
Attentive Birds Ashevak, Kenojuak, 1992, CD 1992-022, Photo © CMC
ᓵᖅᑐᐱᐊᕐᒥ ᓴᕕᒃᓴᒥ ᕿᑦᑐᒑᖅᓯᒪᔪᑦ ᐊᔾᔨᖏᑦ ᐱᓕᕆᐊᖑᕙᒃᑭᕗᑦ ᑭᓯᐊᓂ ᐊᒥᐊᕈᑎ ᐃᓚᖃᕐᖢᓂ ᐋᖅᑭᒋᐊᕈᑎᒥᒃ, ᐊᒥᐊᕐᒧᑦ ᐋᖅᑭᒍᑎᒥᒃ. ᐅᖅᓱᖅ ᐊᒻᒪᓗ ᐊᒥᐊᖅ ᑲᑎᑦᑑᒃ ᕿᑦᑐᒑᕐᓂᑯᓄᑦ ᕿᐳᖅᑳᓂᑯᑦ ᐋᖅᑭᑦᑎᐊᖅᐸᒃᐳᑦ, ᐊᒻᒪᓗ ᑕᖅᓵᐅᓕᕐᖢᓂ. ᕿᑦᑐᒑᕐᓂᐅᓂᑯᐃᓐᓇᒧᑦ ᓯᐊᕐᒪᒃᐸᒃᐳᖅ ᑕᖅᓴᖅ, ᐊᓯᐊᓄᑦ ᓄᐊᓐᓇᓂ.
ᓴᕕᒃᓴᖅ ᐅᓄᖅᓯᕝᕕᐅᓂᐊᖅᑐᖅ ᑎᑎᕋᐅᔭᖅᑎᐅᑉ ᐅᕝᕙᓘᓐᓃᑦ (ᑎᑎᕋᐅᔭᖅᓯᒪᔫᑉ ᐱᓕᕆᐊᕆᓕᖅᐸᖓ), ᐅᖅᓱᒥᒃ ᐃᓚᓯᒪᒑᖓᒥ ᑎᑎᕋᐅᑎᖓᑦ ᐊᒥᐊᖅ ᒪᓂᕋᕐᒥ ᑎᑎᖅᑑᑕᐅᔪᓐᓇᖅᐳᖅ, ᓴᕕᒃᓴᒥ ᐅᔭᕋᕐᒥᓘᓐᓃᑦ ᕿᐳᖅᑳᓯᒪᓂᖓ. ᐃᒪᕐᒥᒃ ᐃᓚᑲᖅᑐᖅ ᕿᕐᓂᖅᑐᖅ ᐊᒥᐊᕈᑎ ᖄᖓᓄᑦ ᐊᒥᐊᖅᑕᐅᓂᐅᕗᖅ. ᐅᖅᓱᖃᖅᑐᒧᑦ ᑎᑎᕋᐅᑎᒧᑦ ᑎᑎᖅᑐᖅᓯᒪᔪᐃᓐᓇᖅ ᑕᖅᓯᖅᑐᖅᐸᓪᓕᐊᓪᓗᓂᐅᒃ ᐱᕗᖅ. ᐊᒥᐊᕈᑎᐅᑉ ᐃᓚᖓᓄᑦ ᑐᐸᖕᑕᐃᓐᒧᑦ ᓴᓗᒻᒪᖅᓴᐅᑎᒧᑦ ᑎᑎᕋᖅᑎᐅᑉ ᐅᖅᓱᓕᖕᒧᑦ ᑎᑎᕋᖅᓯᒪᓂᖏᑦ ᐲᔭᖅᐸᖏᑦ. ᕿᓂᖅᑐᖅ ᐊᒥᐊᕈᑎ ᐲᔭᓐᖏᑦᑐᑐᐊᖑᓪᓗᓂ. ᑕᒪᕐᒥᒃ ᐊᒥᐊᓕᕆᕚ, ᐅᖅᓱᒥᒃ ᐃᒪᖃᖅᑐᒥᒃ. ᐃᕐᒥᒃᑕᐅᕗᖅ ᑕᒪᕐᒥᒃ, ᐲᔭᖅᑕᐅᒋᓪᓗᓂ ᑕᒪᕐᒥᒃ. ᑭᓯᐊᓂ ᐅᖅᓱᒥᒃ ᐃᓚᖃᖅᑐᒥᒃ ᑎᑎᕋᐅᑎᒧᑦ ᑎᑎᕋᖅᑕᐅᓂᑰᓪᓗᓂ ᓂᐱᒃᑲᒥ ᑕᖅᓴᖓᓄᑦ ᐋᖅᑭᒋᐊᕈᑎᐅᓕᖅᐳᖅ.
Printmaker Niviaqsi Quvianaqtuliaq creating a lithograph proof for "Halibut" by Ningeokuluk Teevee photo Norman Vorano, 2009, Photo © CMC
ᐸᐃᑉᐹᖅ ᑕᖅᓯᖅᑐᖅᑕᐅᓂᐊᖅᑐᖅ ᐸᕐᓇᒃᑕᐅᓕᕈᓂ, ᐸᐃᑉᐹᒥᒃ ᕿᑦᑐᒑᖅᓯᒪᔫᑉ ᖄᖓᓄᑦ ᐃᓕᔭᐅᑦᑎᐊᖅᐳᖅ, ᕿᑦᑐᒑᖅᓯᒪᔪᖅ ᐅᓄᖅᓯᑎᑦᑎᔾᔪᑎᐅᓂᐊᖅᑐᖅ ᐊᒥᐊᖅᓯᒪᕗᖅ. ᐅᓄᖅᓯᑎᑦᑎᔾᔪᑎᒧᑦ ᐊᒡᒐᒻᒧᑦ ᖃᐃᕙᑦᑕᕆᐊᓕᖕᒧᑦ ᐅᓄᖅᓯᑎᑦᑎᓕᖅᐳᑦ. ᑖᓐᓇ ᓴᓐᖏᔪᒻᒪᕆᐅᕗᖅ, ᑐᓐᖓᕕᖓᓂᒃ ᕿᑦᑐᒑᖅᓯᒪᔪᒥᒃ ᐊᒻᒪᓗ ᑕᖅᓯᖅᑕᐅᓂᐊᖅᑐᒥᒃ ᖄᖓᓃᑦᑐᒥᒃ ᑮᓯᒍᓂ ᖃᐃᕙᒃᐳᖅ. ᐱᐊᓂᒃᑯᓂ ᑕᖅᓯᖅᑐᐃᕕᐅᓂᐊᖅᑐᖅ ᑕᖅᓯᖅᓱᖅᑎᐊᓂᒃᐳᖅ. ᑕᐃᒪᓐᓇ ᐅᓄᖅᓯᑎᓕᕇᖅᐳᑦ, ᑭᓯᐊᓂ ᐅᓄᕐᓂᖏᑦ ᓈᒻᒪᒃᓯᒃᐸᑕ ᐱᐊᓂᒃᐳᑦ. ᑐᓐᖓᕕᖓ ᕿᑦᑐᒑᖅᓯᒪᔪᖅ ᓴᓗᒻᒪᖅᓴᖅᑕᐅᕗᖅ ᐊᑐᐊᓂᑉᐸᑦ, ᐊᓯᐊᓄᑦ ᑎᑎᕋᐅᔭᒧᑦ ᐊᑐᖅᑕᐅᔪᓐᓇᖅᓯᒋᕗᖅ.