Audio
1970,ᓂ ᐊᕐᕌᒍᒐᓴᓐᓂ ᐊᖏᓪᓕᕙᓪᓕᐊᓚᐅᕐᓂᖓ
Sitjariak Pootoogook, Kananginak, 1975,
CD 1975-056, Photo © CMC
ᑲᔪᓯᑎᑕᐅᓇᓱᐊᖅᑐᑦ ᑲᔪᓯᑦᓯᐊᖅᐸᓪᓕᐊᓂᐊᖅᑑᔮᓚᐅᖅᓯᒪᔪᑦ ᕿᑭᕐᑖᓗᑉ ᐅᐊᓕᓂᐊᓂ ᐃᓄᐃᑦ ᑯᐊᐸᖓᑦ ᐱᒋᐊᖅᑎᑕᐅᓕᖅᓱᓂ ᑐᓪᓕᖓᓂ ᐊᕐᕌᒍᒐᓴᓂ ᐊᐅᓚᓯᒪᓕᕋᓗᐊᖅᓱᓂ. ᓯᓚᕐᔪᐊᕐᒥ ᑕᑯᒃᓴᐅᑎᑦᓯᒍᓐᓇᖅᓯᓪᓗᑎᒃ ᑭᓐᖓᕐᓂᑦ ᑎᑎᖅᑐᒐᕐᓂᒃ, ᐊᒥᓱᕈᕐᓂᖅᓴᐅᓪᓗᑎᓪᓗ ᓂᐅᕕᐊᒃᓴᐃᑦ ᐊᒻᒪ ᐃᓕᑕᕆᔭᐅᓯᒪᓂᖏᑦ ᐅᖃᓕᒫᒐᖅᑎᒍᑦ ᐃᑲᔪᓚᐅᖅᓯᒪᔪᑦ ᐃᓄᐃᑦ ᑎᑎᖅᑐᒐᖏᓐᓂᒃ ᑕᑯᒃᓴᐅᑎᑦᓯᒍᓐᓇᖅᓯᓂᒃᑯᑦ ᑲᓇᑕᒥ ᐃᓕᖅᑯᓯᖓᑎᒍᑦ ᓴᖅᑭᑎᕆᓂᕐᒥᒃ ᖃᓪᓗᓈᖅᑕᓂᑦ - ᑲᓇᑕᒥ ᑎᑎᖅᑲᓂᐊᖅᑏᑦ ᐊᓪᓛᑦ ᓂᐅᕕᓚᐅᖅᓯᒪᔪᑦ 6-ᓴᓐᓯᒥᒃ ᑮᓇᓐᖑᐊᒥᒃ ᑎᑎᖅᑲᓂᒃ ᐊᐅᓪᓚᖅᑎᑦᓯᒍᑎᒃᓴᒥᒃ. 1970-ᒥ ᑎᑎᕋᐅᔭᖅᓯᒪᔭᖓᓂᒃ ᕿᓐᓄᐊᔪᐊᖅ ᐋᓯᕙᐅᑉ ᖃᐅᔨᒪᔭᐅᒻᒪᕆᒍᑎᖃᖅᑑᑉ ᐅᒃᐱᒡᔪᐊᓐᖑᐊᒥᒃ, Enchanted Owl, ᑎᑎᖅᑐᒐᖅᑕᕕᓂᖓᓂᒃ 1960-ᒥ.
ᑎᑎᖅᑐᒐᖅᑏᑦ ᕿᑭᖅᑖᓘᑉ ᐅᐊᓕᓂᐊᓂ ᐃᓄᐃᑦ ᑯᐊᐸᒃᑯᖏᑎᒍᑦ ᓱᓕ ᑲᔪᓯᑎᑦᓯᕙᓪᓕᐊᕗᑦ ᑎᑎᖅᑐᒐᓕᕆᓂᕐᒥᒃ. 1972-ᒥ ᐃᑲᔪᖅᑕᐅᓪᓗᑎᒃ ᐅᑯᓄᖓ ᓘᐃᓪ ᔫᓐᔅ, ᕌᐳᕐᑦ ᐹᑐᕐᓴᓐ, ᓵᕐᓗᔅ ᐸᑦᓱᕐ ᐊᒻᒪ ᐊᕈᕋ ᐊᐃᓴᒃᒧᑦ, ᑭᓐᖓᕐᓂ ᑎᑎᕋᐅᔭᖅᑏᑦ ᑐᓂᔭᐅᓚᐅᖅᓯᒪᔪᑦ ᓯᕗᓪᓕᖅᐹᒥ ᑕᐃᔭᐅᔪᓂᒃ ᓴᕕᒃᓴᒥᒃ ᐊᓪᓕᑲᖅᑐᓂᑦ ᑎᑎᕋᐅᔭᕐᕕᒃᓴᓂᒃ ᐊᒻᒪ ᐃᓕᓐᓂᐊᖅᐸᓪᓕᐊᓕᓚᐅᖅᓯᒪᔪᑦ ᓄᑖᓂᒃ ᑎᑎᕋᐅᔭᕐᓂᒃ ᓴᖅᑭᑎᕆᒍᓯᕐᒥᒃ. ᓅᕙ ᔅᑰᓴᒥ ᑎᑎᕋᐅᔭᖅᑎᒻᒪᕆᒃ ᕚᓕᔅ ᐳᕌᓂᐊᓐ ᐱᓇᓱᐊᓚᐅᖅᓯᒪᔪᖅ ᓄᓇᓕᓐᓂ ᐱᒋᐊᖅᓱᓂ 1974-ᒥᑦ ᐃᓕᓴᐃᓂᒃᑯᑦ ᐊᔾᔨᒌᓐᖏᑦᑐᓂᒃ ᐱᓕᕆᔾᔪᓯᓂᒃ ᑎᑎᖅᑐᒐᕐᕕᓐᓂᒃ (ᓴᕕᒃᓴᒥᒃ ᐊᓪᓕᑲᖅᑐᓂᒃ ᑎᑎᕋᐅᔭᓕᕆᓂᖅ) ᐊᒻᒪ, ᑭᖑᓂᐊᒍᑦ ᐊᕐᕌᒍᒥᓂ ᑕᒪᓐᓇ ᐆᒃᑐᕋᖅᑕᐅᓚᐅᖅᓯᒪᔪᖅ, ᑭᓐᖓᕐᓂᑦ ᑎᑎᖅᑐᒐᕐᒥᓂᒃ ᓂᐅᕕᐊᔅᓴᕈᖅᑎᑦᓯᓚᐅᖅᓯᒪᔪᑦ ᓯᕗᓪᓕᖅᐹᑦᓯᐊᒥ ᑎᑎᖅᑐᒐᕐᕖᑦ ᐊᒻᒪ 1975-ᒥ, ᐱᐅᓯᒋᐊᕈᑕᐅᒋᐊᓪᓚᒃᑲᓐᓂᖅᑎᓪᓗᒋᑦ ᐊᓪᓕᕋᓄᑦ ᑎᑎᖅᑐᒐᐅᑏᑦ ᓇᕿᑦᑕᐅᑏᑦ, ᐊᒻᒪ ᑎᑎᖅᑐᒐᓕᐅᕐᕕᑦᓴᑦ ᐊᓪᓕᕋᒃᓴᑦ ᓴᓇᔭᐅᓯᒪᔪᑦ ᓴᖅᑭᑎᒐᒃᓴᓄᑦ ᑎᑎᖅᑐᒐᕐᓄᑦ. ᓯᕗᓪᓕᖅᐹᑦ ᐅᒃᑯᓯᑦᓴᔭᕐᒥᑦ ᓴᓇᓯᒪᔪᑦ ᓴᓇᓐᖑᐊᕐᕕᒋᓯᒪᓪᓗᒋᑦ ᐱᓕᕆᔾᔪᓯᖅ 1960-ᓂ ᓴᖅᑭᑕᐅᒋᐊᓪᓚᓚᐅᖅᓯᒪᔪᖅ ᐅᑯᑎᒎᓇ ᕿᑦᓱᓯᒪᔫᔮᖅᑐᑦ ᑎᑎᕋᐅᔭᕐᕕᒃᓴᑦ ᐊᒻᒪ ᑕᖅᓴᓕᐅᕐᓂᖅ ᐆᑦᑎᕆᓂᒃᑯᑦ, ᐃᒪᖃᖅᑐᒃᑯᑦ, ᐅᑯᓄᖓ ᖂᔪᖅ ᓯᒥᒐ, ᐅᓪᓗᕆᐊᖅ ᐳᓪᓚᑦ ᐊᒻᒪ ᐅᖅᓱᕋᓕᒃ ᐅᑦᑐᕿ ᓄᓇᓕᓐᓂ ᐱᓇᓱᑦᑎᐅᑎᓪᓗᒋᑦ. ᑎᑎᕋᐅᔭᖅᑎᒃ ᓱᓇᕐᕈᑎᑎᒍᑦ (ᑎᑎᖅᑲᖃᕈᓐᓇᖅᑐᖅ ᑕᖅᓯᖅᑐᐃᓂᖅ) ᕗᐃᓪ ᕼᐊᑦᓴᓐ, ᐱᓇᓱᐊᖅᑎ ᐅᑯᓄᖓ Coachhouse Press in Toronto, (ᑐᓛᓐᑑᒥ ᑎᑎᕋᖅᑕᐅᔪᓄᑦ ᐅᓄᖅᓯᑎᑦᑎᔩᑦ) ᓴᖅᑭᑎᑦᓯᓚᐅᖅᓯᒪᔪᖅ ᓯᕕᑭᑦᑐᒥᑦ ᐊᑐᖅᑕᐅᓚᐅᖅᑐᒥᒃ ᑭᓯᐊᓂ ᑕᒪᓐᓇ (ᑎᑎᖅᑲᖃᕈᓐᓇᖅᑐᖅ ᑕᖅᓯᖅᑐᐃᓂᖅ) ᖁᕕᐊᒋᔭᐅᓚᐅᖅᑐᖅ 1972-ᒥ.
Aeroplane Pudlat, Pudlo, 1976, CD 1976-013, Photo © CMC
ᑕᒪᒃᑯᐊᑦᑕᐅᖅ ᐱᓕᕆᔾᔪᓯᐅᕙᓪᓕᐊᑎᓪᓗᒋᑦ, ᑎᑎᕋᐅᔭᖅᑏᑦ ᕿᒥᕐᕈᐃᓐᓇᓚᐅᕐᒥᔪᑦ ᓄᑖᓂᒃ; 1976-ᒥ ᐸᓪᓗ ᐳᓪᓚᑦ ᓴᖅᑭᑎᑦᓯᓚᐅᖅᓯᒪᔪᖅ ᓴᓇᔭᒥᓂᒃ ᑎᑎᖅᑐᒐᕐᒥᒃ, (ᑎᑎᖅᑲᖃᕈᓐᓇᖅᑐᖅ ᑕᖅᓯᖅᑐᐃᓂᖅ) ᑕᐃᔭᖅ, Aeroplane, ᖃᖓᑕᓲᓐᖑᐊᒥᒃ ᓯᕗᓪᓕᖅᐹᖓᓂᒃ ᐊᒥᓱᓂᒃ ᖃᖓᑕᓲᓐᖑᐊᓕᐊᕆᓯᒪᔭᖏᑦᑕ ᐱᒋᐊᕈᑎᖓ, ᖁᓕᒥᒎᓐᖑᐊᓪᓗ ᐊᒻᒪ ᐊᓯᖏᑕ ᓄᑖᑦ ᑎᑎᕋᐅᔭᖅᓯᒪᔭᖏᑕ “ᐅᑭᐅᖅᑕᖅᑐᖅ ᐅᓪᓗᒥ” ᒥᒃᓵᓄᐊᖓᔪᓂᒃ. ᐊᒥᓱᑦ ᑎᑎᕋᐅᔭᖅᑏᑦ ᑕᐃᒪᓐᖓᑦ ᐱᐅᓯᑎᑦᓯᕙᓪᓕᐊᑐᐃᓐᓇᖅᓯᒪᔪᑦ ᓴᖅᑭᐸᓪᓕᐊᔭᒥᒃᑎᒍᑦ ᐅᓂᒃᑳᖅᓯᒪᔪᓂᒃ ᐃᓕᖅᑯᓯᖏᓐᓂᒃ, ᓲᕐᓗ ᐅᑭᐅᖅᑕᖅᑐᒥ ᐆᒪᔪᓐᖑᐊᓂᒃ, ᐅᓂᒃᑳᖅᑐᐊᓂᒃ ᐊᒻᒪ ᐱᖅᑯᓯᑐᖃᕕᓂᕐᒥᓂᒃ. ᐅᑭᐅᖅᑕᖅᑑᑉ ᐊᓯᔾᔨᖅᐸᓪᓕᐊᓚᐅᕐᓂᖓᓂᒃ, ᐊᒻᒪ ᑭᓐᖓᐃᑦ ᐊᓯᔾᔨᖅᐸᓪᓕᐊᓚᐅᕐᓂᖓᓂᒃ ᑎᑎᕋᐅᔭᕐᓂᒃᑯᑦ ᓴᖅᑭᑎᕆᓪᓗᑎᒃ.
ᐊᑐᖅᑎᓪᓗᒋᑦ 1970ᑦ, ᐊᕐᕌᒍᑕᒫᑦ ᑲᑎᖅᓱᒐᐃᑦ ᐅᓄᖅᓯᕙᓪᓕᐊᓂᖃᓚᐅᖅᓯᒪᔪᑦ ᐃᒻᒪᖄ 50 ᐊᒻᒪ 110 ᐊᑯᓐᓂᖏᓐᓂ ᐊᔾᔨᒌᓐᖏᑦᑐᑦ ᑎᑎᖅᑐᒐᐃᑦ ᐊᕐᕌᒍᑕᒫᑦ. ᑭᓐᖓᕐᓂᑦ ᑎᑎᖅᑐᒐᕐᕕᒻᒥ ᓴᖅᑭᑎᑦᓯᓚᐅᖅᓯᒪᔪᑦ ᐊᔾᔨᒋᔭᐅᓐᖏᑦᑐᓂᒃ, ᐊᒥᓲᓐᖏᑦᑐᓂᒃ ᑲᑎᖅᓱᖅᑕᐅᓯᒪᔪᓂᒃ ᐊᒻᒪ ᑮᓇᐅᔭᓕᐅᖅᑎᑕᐅᓪᓗᑎᒃ, ᐅᑯᓄᖓᓗᐊᖅ ᓯᓚᕐᔪᐊᕐᒥ ᐆᒪᔪᓕᕆᓂᕐᒧᑦ ᑮᓇᐅᔭᓕᐅᖅᑎᓄᑦ, ᑲᓇᑕᒥ ᑕᑯᔭᒐᖃᕐᕕᒻᒧᑦ, ᐊᒻᒪ ᐊᓯᖏᓐᓄᑦ ᑲᑐᔾᔨᖃᑎᒌᓄᑦ ᐊᒻᒪ ᑕᑯᔭᒐᖃᕐᕕᓐᓄ ᑎᑎᖅᑐᒐᕐᓂᒃ.
Woman and Snow Bird Saila, Pitaloosie Pudlat, 1973,
CD 1973-050, Photo © CMC
ᐊᔪᒐᐃᑦᑑᓐᖏᑦᑐᖅ, ᐊᒥᓱᑦ ᑎᑎᖅᑐᒐᓕᐅᖅᑏᑦ ᐊᒥᓱᕈᒋᐊᓪᓚᕆᑦᓯᒪᓂᖏᑦ ᐊᕐᕌᒍᓂ ᖁᓕᓂ. ᐅᒃᑯᓯᒃᓴᓂᒃ ᑎᑎᕋᐅᔭᕐᕕᒃᓴᓕᐅᖅᑏᑦ - ᐊᒻᒪ ᑎᑎᕋᐅᔭᖅᓯᒪᔪᓂᒃ ᓴᖅᑭᑎᕆᓃᑦ ᐱᒋᐊᓚᐅᖅᑐᑦ 1960-ᓂ (ᓲᕐᓗ ᐅᑯᐊ ᐃᔨᕙᓪᓗᒃ ᐳᑐᒍᖅ, ᐊᐃᐅᓛ ᑭᓐᖑᐊᑦᓯᐊᖅ, ᑲᓈᖏᓐᓇᖅ ᐳᑐᒍᖅ, ᓗᒃᑕ ᕿᐊᑦᓱᒃ ᐊᒻᒪ ᑎᒧᑎ ᐅᑦᑐᖅᑭ) ᐊᒻᒪ ᓚᐃᓴ ᖁᔾᔪᐊᕐᔪᒃ, ᓂᖏᐅᑦᓯᐊᖅ ᐳᑦᓚᑦ, ᐲ ᒥᑭᒐᖅ, ᖃᕙᕙᐅᒃ ᖃᑦᓯᔭ ᐊᒻᒪ ᓵᒋᐊᖅᑐᖅ ᓵᒋᐊᖅᑐᖅ. ᓅᑖᒥ ᑎᑎᖅᑐᒐᓕᐅᕐᕕᒃᓴᒃᑯᑦ ᑎᑎᖅᑐᒐᓕᐅᖅᑏᑦ ᐅᑯᐊᖑᓪᓗᑎᒃ ᐊᐅᑦᓚ ᐳᓪᓚᑦ, ᐃᓚᑭᒥ ᓄᖑᓱᐃᑦᑐᖅ, ᔮᓂ ᒫᓂᖕ, ᕿᐊᑦᓱᒃ ᓂᕕᐊᖅᓯ, ᑲᓪᓗᐊ ᓯᒥᐅᓂ, ᖂᔪ ᕋᒌ, ᐱᑦᓯᐅᓛᖅ ᓂᕕᐊᖅᓯ ᐊᒻᒪ ᐳᑐᒍᖅ ᕿᐊᑦᓱᒃ.